Монь вайгелем

Саранск: Мордовское книжное издательство, 2005. — 128 с. — ISBN 5-7595-1675-2.Мой голос: стихи, рассказы, новеллы, сказки. На эрзянском языке.Дмитрий Александров, Мария Ерёмина, Наталья Жочкина, Александр Захаров, Татьяна Маторкина, Юлия Миронова, Татьяна Мокшанова, Евгений Наумов, Людмила Рябова, Елена Сельду-шова, Марина Слугина, Ольга Сусорева, Татьяна Тужина, Елена Шунеева.Сынь теке тундонть самсто чувтонь пургондавкст, ансяк-ансяк панжотыть эрямонть марто вастовомсто, тешкстыть ва-сенце ежомарямост, редявксост. Ды кадык лиясто кевкстематне ансяк путозь, кортамось ансяк ушодозь — паро уш се: сынь а пелить оймест штавтомо. Паряк, те енксось весемеде пек явияк неень шкань од ломантнень икеленсетнеде. Сынь чачсть лия шкасто — вайгелесткак лия. Ды те пек паро! Кадык сынь видьк-стытъ: «Кода эрямс — те шкас а содан.», кадык тейнить ильведькст. Сынь чарькодить весемень питненть, секс, паряк, сермадовкссост домка арсемат, ули мезе тенст ледстямс, мезе ёвтамс. Ды вана мезесь явовты мель — аволь ансяк мазы валонть мельга панить — оймест валтнэс валыть. Кадык аволь весемесь васень шкасто лиси — улить губорькст, стакачить. Сынь тонавтнить. Ды улить сынст паро тонавтыцяст. Весе, кинь произведенияст совасть те пусмонтень, эрьва ие вастовкшныть од сёрмадыцянь семинартнэсэ. Сынь ютасть «Чилисема» журналонь школанть трокс, эскельдясть «Сятко» журналонь лопатнес. Мартост свал истят превень путыцятне, кода «Сятко» ды «Чилисема» журналонь главной редактортнэ: Мордовиянь заслуженной поэтэсь А.В. Арапов ды поэтэсь Н.И. Ишуткин, писателесь ды поэтэсь Маризь Кемаль. Те пусмонтькак од сёрмадыцятнень марто пурнызе сонсь Александр Васильевич Арапов.
Сынь одт! Ды превест-оймест панжадот, ванькст. Сынь минек эрзянь литературанть од касовкскензэ, нежезэ. Ды кода эряви од чувтынентень васень шкасто нежедькс, кадык сынст туртов-гак паро нежедьксэкс ули те васень книгаст.
Валонть сермадомсто неиця а эряви, сон чачи, зярдо ськамот. Ловныцявтомо вана сермадыцянтень а кода. Кадык те книганть улить ламо ловныцянзо!